Nafarroako CCOOk gazteen prekarietatea salatzeko kanpaina jarri du abian

  • CCOOko gazte erakundeak kanpaina bat jarri du abian, gazteen kontratazioetan gehiegikeriaz jokatzearen aurka, "Ez ditzatela zure eskubideak estutu!
  • 25 urtetik beherakoen langabezia % 33ra iritsi dela ohartarazi du CCOOk, Biztanleria Aktiboaren Inkestaren azken datuen arabera.

30/07/2020.
Gazteak

Gazteak

CCOOk kanpaina bat jarri du martxan "Ez ditzatela zure eskubideak estutu!“ lelopean, gazteen prekarietatea salatzeko.

CCOOko gazteek salatu dutenez, Nafarroako lan merkatuaren ezaugarri nagusiak behin-behinekotasun handia eta Estatuko batez bestekoa baino partzialtasun handiagoa dira. Eta baldintza txar horiek emakumeek eta gazteek jasaten dituzte bereziki. Zoritxarrez, lan-merkatuari enplegu prekarioak eta iraupen laburrekoak eusten dio, eta eskubiderik gabeko langileak eta babes handiagoko langileak elkarrekin bizi diren merkatu duala sortzeko arriskua dago.

Sindikatuak ohartarazi duenez, 25 urtetik beherakoen artean langabezia % 33koa da jada Nafarroan, eta herritarren artean, berriz, % 10,08koa. Beraz, langabeziaren zifretan arrakala izugarria dago. 10 langabetik 3k 25 urte baino gutxiago dituzte.

Ekainean 16-30 urteko gazteek sinatu dituzten kontratuen % 93 aldi baterakoak izan dira. Zerbitzuen sektoreak galdu du enplegu gehien hiruhileko honetan: 7.900 langile gutxiago, ostalaritzan, ostatu-zerbitzuetan eta merkataritzan bereziki.

Hau da, gazteek iraupen laburreko kontratuak metatzen dituzte, kontratu prekarioak eta karrera profesional duina finkatzeko aukerarik ematen ez dutenak. Eta gazteenganako politika zakar horrek ondorio sozial nabarmenak dakartza.

CCOOk azpimarratu du une honetan aukera dagoela egoera hori aprobetxatzeko kalitatezko lan-merkatua indartzeko; izan ere, merkatu horrek ez ditu kide gazteenak lanik prekarioenetara eta okerrenetara kanporatzen. Horregatik, gazteen enpleguak eta kualifikazioak lehentasuna izan behar dute.

Sindikatuak azaldu duenez, gazteek, aipatutakoaz gain, arazo bereziak dituzte; abusuzko bekak, aldi baterako lanak edo Riderrekin eta beste plataforma digitalekin gertatzen diren abusuak dira prekarietate zaharraren aurpegi berria. Lanaren errealitate berriak ezin dira izan arautu gabeko guneak.

Azkenik, gazteei zuzendutako enplegu plan zehatzak lehenbailehen aurkezteko eskatu die sindikatuak gobernuei, langabeziaren portzentaje jasanezina pairatzen baitute.

Horregatik, CCOOko gazteek 2.000 pegatina eta 500 triptiko baino gehiago banatuko dituzte gazteen lan-egoera salatzeko.

Esta web utiliza cookies propias y de terceros para optimizar su navegación. Si continúa navegando está dando su consentimiento para su aceptación y nuestra politica de cookies, haga click aqui para más información y ver cómo desactivarlas.