CCOO Espainiako Gobernuak hartutako neurriak baloratu ditu, baina negoziazio mahai bat eskatu du nekazaritza sektorearen egoerari heltzeko

  • Nafarroan 3.700 soldatapeko daude landa-sektorean.
  • CCOOk ohartarazi du Nafarroan 14.000 euro baino gutxiago kobratzen duten 11.900 pertsonetatik asko nekazaritzan biltzen direla.

26/02/2020.

CCOOk positibotzat jo ditu Espainiako Gobernuak landa-sektorearen alde hartutako neurriak, baina nekazaritza sektorearen egoerari heltzeko negoziazio mahai bat eskatu du.

Sindikatuaren iritziz, neurri horiek nekazaritzako eta abeltzaintzako ustiategien mantentze eta lehiakortasunean eragin behar dute, bai eta soldatapeko pertsonen enpleguaren kalitatea hobetzean eta nekazaritzako enpresaburuen legezko betebeharrak betetzean ere, besteren konturako soldatapeko pertsonen ordainsariei dagokienez, Nafarroan 3.700 pertsona baitira laugarren hiruhilekoko Biztanleria Aktiboaren Inkestaren arabera.

CCOOk azpimarratu du Nafarroan 11.900 pertsona daudela 14.000 eurotik behera kobratzen dutenak, horietako asko nekazaritza sektorekoak. Izan ere, estatu mailan, gaur egun nekazaritza- eta abeltzaintza-sektorean eskualde eta probintzia mailako 22 hitzarmen kolektibo daude, 2020ko LGS baino soldata txikiagoak dituztenak. Horregatik, CCOOren ustez, Gobernuak, gizarte-solaskideekiko elkarrizketa sozialaren esparruan, lehen sektorean eta nekazaritzako elikagaien industrian negoziazio kolektiboaren harmonizazioa eta arrazionalizazioa bultzatu behar du, lan-kostu bidezkoagoak eta homogeneoagoak ezartzeko.

CCOOren ustez, garrantzitsuak dira nekazaritza-sektorean kontratazio egonkorragoa eta kalitatezkoa sustatzearekin lotuta onartutako neurriak, eta hori kontratazioaren jarraipen-neurri zehatzekin inplementatu eta garatu behar da, Lan eta Segurtasuneko Ikuskaritzaren eta Gizarte Segurantzako Iruzurraren Behatokiaren jarduera irmoarekin nekazaritza-sektorean. Neurri horiekin batera, politika aktiboak (lanbide-orientazioa, LH) ezarri behar dira, eta zuzkidura garrantzitsua izan behar dute 2020rako nekazaritzako enplegu-planetan langileak kontratatzeko. Era berean, aipagarriak dira nekazaritza-sektorean lan-biztanleria ezartzeko eta gaztetzeko hartutako ekimenak, baina politika integralak garatu behar dira landa-eremuetan enplegua sustatu eta dibertsifikatzeko, hustutako Espainiatik pertsonak etengabe irten ez daitezen.

CCOOk, halaber, eskatu du elkarrizketa-mahai irekian garatu daitezela Gizarte Segurantzaren Nekazaritzako Sistema Berezian egiteke eta konprometituta dauden erreformak, arlo horretako lan-harremanen modernizazioan aurrera egiteko, langileen eskubideak hobetzeko.

CCOO bat dator, halaber, Gobernuak elikadura-katean gardentasun handiagoa eta oreka lortzeko hartutako neurriekin, nekazariek prezio justuak jaso ditzaten jatorrian, galeretara saltzea eta salmenta-prezioak ezartzea debekatuz elikagai-kate osoaren biziraupena eragozten duten produktuei.

Azken batean, arazo horiei guztiei heltzeko, CCOOk uste du negoziazio-mahai bat eratu behar dela, non Nekazaritza, Lan eta Gizarte Segurantza ministerioek, enpresaburuek eta sindikatuek parte hartuko duten, eta nekazaritza-sektorearen arazoei modu globalean helduko dien.

Esta web utiliza cookies propias y de terceros para optimizar su navegación. Si continúa navegando está dando su consentimiento para su aceptación y nuestra politica de cookies, haga click aqui para más información y ver cómo desactivarlas.